Theater in OHZ – trauert um Werner Zölck

Wi hebbt de trurige Nahricht kregen, dat us Maat un gode Fründ Werner Zölck unvermodens för jümmer von us gahn is. Werner weer achtundartig Johr bi us Theater. Mit grodet Talent un ganz veel Lebensfreud hett he us in mennigeen Theaterrull Höög un Pleseer brocht. Man ok irnste Rullen verstunn he mit Wahrhaftigkeit to spelen. Von Harten gern stunn he meist elkeen Johr för un mit de Kinners in’t Wiehnachtsmärchen op de Bühn. Un as Handwarker, de he mit Liev un Seel weer, hett he so mennigeen Bühnenbild opboot. Mit siene Kneep un sien hartlich Wesen kunn he jedeen infangen, so dat keeneen anners kunn, as mit em mittosmustern. Dat he nun op eenmol nich mehr bi us ween schall, könnt wi nich faten un makt us dat Haart swaar. In us Gedanken blifft he bi us. Foto: TiO